Ashok Gehlot Called A Meeting Of The Legislature Party, Will He File An Application For The Post Of Congress President?1

0
4


Congress President Election: काँग्रेस पक्षाध्यक्षपदाच्या निवडणुकीवरून आता राजस्थानचे मुख्यमंत्री अशोक गेहलोत (Ashok Gehlot) हे सक्रिय झाले आहेत. एकीकडे खासदार शशी थरूर (Shashi Tharoor)  हे देखील पक्षाच्या अध्यक्षपदाच्या निवडणुकीसाठी इच्छुक असल्याची माहिती समोर येत असताना अशोक गेहलोत यांनी आज रात्री 10 वाजता विधिमंडळ पक्षाची बैठक बोलावली आहे. काँग्रेसच्या राष्ट्रीय अध्यक्षपदाच्या निवडणुकीत गेहलोत हे उमेदवार असू शकतात.

सूत्रांनी दिलेल्या माहितीनुसार, अशोक गेहलोत 26 सप्टेंबरला उमेदवारी अर्ज दाखल करू शकतात. गेहलोत यांनी बोलावलेल्या बैठकीत राष्ट्रीय अध्यक्षांबाबत काही मोठी माहिती समोर येऊ शकते. आज उपराष्ट्रपती जगदीप धनकड यांच्या स्वागतात मुख्यमंत्री अशोक गेहलोत यांच्या निवासस्थानी मेजवानीचे आयोजन करण्यात आले आहे. स्वागत मेजवानीनंतर विधिमंडळ पक्षाची बैठक होणार आहे.

काँग्रेस अध्यक्षपदावरून पक्षात हालचालींना वेग आलेला असताना अशोक गेहलोत हे उद्या दिल्ली दौऱ्यावर जाणार आहेत. गेहलोत उद्या दिल्लीत काँग्रेसच्या हंगामी अध्यक्षा सोनिया गांधी यांची भेट घेणार आहेत. याच दरम्यान अशोक गेहलोत यांनी अध्यक्षपदाची चर्चा आधीच फेटाळून लावली आहे. यातच राहुल गांधी यांनी काँग्रेसचं अध्यक्षपद स्वीकारावं अशी काँग्रेसच्या अनेक नेत्यांची इच्छा आहे. त्यांचं मन वळवण्यासाठी प्रयत्न देखील सुरु आहे. मात्र ते निवडणूक लढवणार नसल्याचं स्पष्ट झालं आहे.

भारत जोडो यात्रेला मध्येच सोडून राहुल गांधी दिल्लीला परतणार नसल्यामुळे ते पक्षाध्यक्षपदासाठी निवडणूक लढवण्याची शक्यता नसल्याचे सूत्रांचे म्हणणे आहे. सध्या ही यात्रा केरळ सुरु असून 29 सप्टेंबरला ती कर्नाटकात दाखल होणार आहे. अध्यक्षपदाच्या निवडणुकीसाठी नामांकन दाखल करण्याची अंतिम तारीख 30 सप्टेंबर आहे. नामनिर्देशनासाठी उमेदवाराने प्रत्यक्ष उपस्थित राहणे देखील आवश्यक आहे.

शशी थरूर हेही शर्यतीत

काँग्रेसचे ज्येष्ठ नेते शशी थरूर हेही काँग्रेस अध्यक्षपदाच्या निवडणुकीत उमेदवारी दाखल करू शकतात. अगदी शेवटच्या दिवशी त्यांनी सोनिया गांधी यांची भेट घेऊन निवडणूक लढवण्याची इच्छा व्यक्त केली आहे. मुख्यमंत्री अशोक गेहलोत हेही अर्ज भरणार असल्याची भरल्याची चर्चा आहे. मात्र याला अधिकृत दुजोरा मिळालेला नाही. आता आणखी एक प्रश्न उपस्थित होऊ लागला आहे की, अशोक गेहलोत पक्षाचे अध्यक्ष झाले तर राजस्थानमध्ये नवे  मुख्यमंत्री कोण असेल.

इतर महत्वाच्या बातम्या: 

CBI Raids : CBI च्या जाळ्यात नेतेमंडळी ; युपीए काळात 65 टक्के, तर एनडीएच्या काळात 95 टक्के विरोधकांवर कारवाई
CM Bhagwant Mann : दारुच्या नशेत असल्यानं पंजाबच्या मुख्यमंत्र्यांना विमानातून खाली उतरवलं, सुखबीर सिंग बादल यांचा आरोप, आप ने आरोप फेटाळले

 

LEAVE A REPLY

Please enter your comment!
Please enter your name here