delhi police major drug haul, ३५५ किलो ड्रग्ज, किंमत २ हजार कोटी; नवी मुंबईत ज्येष्ठमधाच्या मुळ्यांमध्ये ठेवले होते लपवून – 355kg heroin worth rs 2,000 crore coated on licorice roots

0
2


नवी मुंबईः दिल्ली पोलिसांनी नवी मुंबईत धाड टाकत मोठी कारवाई केली आहे. दोन हजार कोटी रुपये किंमतीचे हेरॉइन कंटनेरसह जप्त करण्याची कारवाई दिल्ली पोलिसांच्या विशेष पथकाने नुकतीच केली आहे. विशेष म्हणजे हे ड्रग्ज ज्येष्ठमधाच्या मुळ्यांमध्ये लपवून आणण्यात आलेले होते. ज्येष्ठमधाच्या मुळ्यांमध्ये लपवलेले ३५५ किलो अफगाण हेरॉईनची आंतरराष्ट्रीय बाजारात किंमत दोन हजार कोटी रुपये इतकी आहे. आत्तापर्यंतची ही सर्वात मोठी कारवाई आहे.

इराणहून दुबईमार्गे नवी मुंबईतील जवाहरलाल नेहरू पोर्ट ट्रस्ट येथे आलेल्या कंटेनरला अडवून विशेष सेलने ड्रग्ज जप्त केले आहेत. गेल्या पंधरा दिवसांपासून हे ऑपरेशन सुरू होते. दिल्ली पोलिसांच्या विशेष पथकाने हे ड्रग्ज दिल्लीला नेण्याआधीच ताब्यात घेतले आहेत. दिल्ली पोलिसांनी काही दिवसांपूर्वी लखनऊ आणि दिल्लीमध्ये कारवाई करून दोन अफगाणी तस्करांना अटक केली होती. या तस्करांकडून ३१२ किलो मेफाफेटामाइन नावाचे मादक पदार्थ आणि १० किलो हेरॉइन जप्त करण्यात आले होते. त्यांच्याकडे केलेल्या चौकशीत अफगाणिस्तानमधून न्हावा-शेवा बंदरात दीड वर्षापूर्वी आलेल्या एका कंटेनरमध्ये अंमली पदार्थ असल्याची माहिती दिल्ली पोलिसांना मिळाली होती. या माहितीच्या आधारे दिल्ली पोलिसांच्या विशेष सेलचे पथक १६ सप्टेंबरला नवी मुंबईत दाखल झाले होते.

वाचाः गुजरातच्या व्यापाऱ्याचे कोट्यवधींचे हिरे हडपण्याचा होता डाव; पण एका संशयाने घडलं भलतंच

दिल्ली पोलिसांनी दिल्लीतील पटियाला हाऊस न्यायालयाकडून कंटेनरची तपासणी करण्याचे सर्च वॉरंट सोबत आणल्याने नवी मुंबई पोलिसांच्या मदतीने पनवेलमधील आष्टे लॉजिस्टकमध्ये मागील दिड वर्षापासून ठेवण्यात आलेल्या संशयित ४० फुटी कंटेनरची डी. आर.आय, कस्टम, तसेच स्थानिक पोलिसांसमोर तपासणी केली. यावेळी कंटेनरमध्ये ज्येष्ठमधाच्या ४ ते ६ इंच मुळ्यांमध्ये (लिकोराइस रुट) हेरॉइन आढळून आले. त्यामुळे दिल्ली पोलिसांनी अंमली पदार्थयुक्त ज्येष्ठमधाच्या मुळ्यांसह कंटेनर जप्त करून पुढील तपासासाठी दिल्ली येथे नेला आहे. सुमारे ३५० किलो वजनाच्या ज्येष्ठमधाच्या हेरॉइनयुक्त मुळ्यांची आंतरराष्ट्रीय बाजारात सुमारे १ हजार ७२५ कोटी रुपये किंमत असल्याचे बोलले जात आहे.

वाचाः सोमवारपासून रिक्षा-टॅक्सी चालकांची बंदची हाक; पण संप सुरू होण्याआधीच फूट

तब्बल १७ पिशव्यांमध्ये पोलिसांना ज्येष्ठमधाच्या मुळ्या सापडल्या होता. या प्रकरणी अधिकाऱ्यांनी प्राथमिक तपासणी केली असता संपूर्ण माल आधीच तपासण्यात आला होता. त्यामुळं तिथे फारसे काही आढळले नाही. ज्या पिशव्यांमध्ये हेरॉइन भरुन ठेवले होते ते खराब झाले होतं तसंच, जेष्ठमधाची मुळंही कुजलेल्या अवस्थेत होती.

वाचाः एका बकरीमुळं घडलं होतं तिहेरी हत्याकांड; तब्बल २४ वर्षांनंतर लागला निकाल, त्या १४ जणांना…

LEAVE A REPLY

Please enter your comment!
Please enter your name here