food served in toilet to kabbadi players, घृणास्पद! महिला खेळाडूंचं जेवण शौचालयात ठेवलं, VIDEO पाहून सोशल मीडियावर संताप – uttar pradesh news in marathi food served to women kabbadi players in toilet video viral

0
3


सहारनपूर: खेळाडूंसाठी तयार करण्यात आलेलं जेवण हे शौचालयात ठेवल्याचा व्हिडिओ सोशल मीडियावर प्रचंड व्हायरल होत आहे. उत्तर प्रदेशातील सहारनपूरमध्ये हा घृणास्पद प्रकार घडला आहे. सहारनपूरमध्ये राज्य कबड्डी स्पर्धेत सहभागी होण्यासाठी आलेल्या महिला खेळाडूंना हे शौचालयातील जेवण देण्यात आलं आहे. व्हिडिओमध्ये महिला खेळाडू शौचालयातून प्लेटमध्ये जेवण घेताना दिसत आहेत.

राज्य कबड्डी स्पर्धेचं आयोजन

सहारनपूर येथे तीन दिवसीय राज्यस्तरीय १७ वर्षांखालील मुलींच्या कबड्डी स्पर्धेचे आयोजन करण्यात आले होते. स्टेडियममध्येच खेळाडूंच्या राहण्याची आणि जेवणाची व्यवस्था करण्यात आली. खेळाडूंचे भोजन तयार करुन ते जलतरण तलाव संकुलातील स्वच्छतागृहात ठेवण्यात आले होते. तेच जेवण स्पर्धेत सहभागी झालेल्या सुमारे २०० खेळाडूंना देण्यात आले होते. एवढेच नाही तर खेळाडूंना दिलेला भात अर्धवट शिजवूनच दिला जात होता. या संपूर्ण प्रकरणाचा कोणीतरी व्हिडिओ बनवला जो सध्या सोशल मीडियावर मोठ्या प्रमाणात व्हायरल होत आहे.

हेही वाचा –मोहाली MMS प्रकरण: होय, तिने व्हिडिओ बनवले; आरोपी तरुणीच्या वकिलाचा मोठा खुलासा

यूपी क्रीडा निदेशालयाच्या देखरेखीखाली यूपी कबड्डी असोसिएशनतर्फे डॉ. भीमराव आंबेडकर क्रीडा स्टेडियमवर राज्यस्तरीय सब-ज्युनियर मुलींची स्पर्धा आयोजित केली गेली आहे. ज्यामध्ये १६ विभागांचे एकूण १७ संघ आणि एक क्रीडा वसतिगृह सहभागी झाले आहेत. यजमानपदाची जबाबदारी सहारनपूरला देण्यात आली.

क्रीडा अधिकाऱ्याचं निलंबन

हे प्रकरण लखनऊच्या क्रीडा संचालनालयापर्यंत पोहोचले आणि याप्रकरणी कारवाई करत सहारनपूरच्या क्रीडा अधिकाऱ्याला निलंबित करण्यात आले आहे. क्रीडा संचालनालय आता आपल्या स्तरावर या प्रकरणाची चौकशी करत आहे. त्याचबरोबर डीएमनेही तपास सुरू केला आहे.

हेही वाचा –गटविकास अधिकाऱ्याची एक चूक आणि थेट निलंबन, पाहा सामूहिक विवाहात असं काय घडलं?

क्रीडा अधिकाऱ्याचं स्पष्टीकरण

क्रीडा अधिकारी अनिमेश सक्सेना यांनी आरोप फेटाळले आहेत, ‘बाथरुममध्ये अन्न ठेवले नव्हते. आम्ही स्विमिंग पूल जवळ जेवणाची व्यवस्था केली होती पण पाऊस आला त्यामुळे जेवण तिथे ठेवले होते. स्टेडियममध्ये काम सुरू होते आणि पावसामुळे ते ठेवण्यासाठी जागा नव्हती’, असं त्यांनी स्पष्ट केलं. तसेच, भात निकृष्ट दर्जाचा आला होता, जो स्वयंपाक करताना नीट शिजला नाही. अशा स्थितीत तांदूळ तात्काळ दुकानात परत पाठवून नवीन तांदूळ मागवण्यात आला, असंही त्यांनी सांगितलं.

हेही वाचा –अरे देवा! ४३ वर्षात ५३ लग्न केली, कारण ऐकून हैराण व्हाल…

केंद्रीय क्रीडा मंत्री अनुराग ठाकुर यांनी लुटला क्रिकेट खेळण्याचा आनंद

LEAVE A REPLY

Please enter your comment!
Please enter your name here