Income Tax, आयकर आयुक्त बनून उत्पादन शुल्क अधिकाऱ्याकडे गेला, मागणी ऐकून अधिकारीही चक्रावला… – uttar pradesh news in marathi man becoming fake income tax commissioner and asked for 10 box of liquor to excise officer arrested by police

0
3


सहारनपूर: आयकर आयुक्त बनून फसवणूक करणाऱ्या एका तरुणाला पोलिसांनी अटक केली आहे. यासोबतच कारागृहात पोलिसांचा गणवेश परिधान केलेल्या कैदी रक्षकालाही पकडण्यात आले आहे. उत्तर प्रदेशातील सहारनपूरमध्ये ही घटना घडली आहे.

सहारनपूरमध्ये फसवणुकीचे अनोखे प्रकरण समोर आले आहे. बनावट आयआरएस अधिकाऱ्याला अटक करण्यात आली आहे. हा ठग गेल्या काही दिवसांपासून बनावट आयआरएस अधिकारी असल्याचे भासवून वसुली करत होता.

जिल्हा उत्पादन शुल्क अधिकारी वरुण कुमार यांच्या म्हणण्यानुसार, हा गुंड आयकर विभागातील सहाय्यक आयुक्त म्हणून त्यांच्याकडे पोहोचला होता आणि त्याच्या पत्नीच्या वाढदिवसाच्या पार्टीसाठी दारुच्या १० बॉक्सची मागणी त्याने केली होती. त्याच्या हावभावावर संशय आल्याने वरुण कुमार यांनी पोलिसांना माहिती दिली. त्यानंतर या बनावच अधिकाऱ्याला अटक करण्यात आली.

हेही वाचा –फक्त १०-१२ बॉल्स खेळविण्यासाठी या खेळाडूला संघात घेऊ नका, गौतम गंभीर स्पष्टच बोलला

पोलिसांनी दिलेल्या माहितीनुसार, अटक करण्यात आलेला बनावट अधिकारी गगनदीप हा बरसी गावचा रहिवासी असून, यापूर्वीही त्याला दोनदा जेलची हवा खावी लागली आहे. नुकतंच त्याची तुरुंगातून सुटका झाली होती. कारागृहात असताना कैदी रक्षक सनी याच्याशी त्याची ओळख झाली. त्याने त्यालाही फसवणुकीच्या धंद्यात सामील करुन घेतले. आता या दोघांनाही अटक करण्यात आली असून सहारनपूरच्या त्याच तुरुंगात यांची रवानगी करण्यात आली आहे जिथे हे दोघे मित्र झाले होते.

हेही वाचा –फायनान्सवर ट्रॅक्टर घेतला, त्याच ट्रॅक्टरवर बसून वसुली एजंटने गर्भवतीला चिरडलं…

एसपी सिटी राजेश कुमार सिंह यांनी सांगितले की, बनावट आयआरएस अधिकाऱ्याला जनकपुरी पोलीस स्टेशनच्या अधिकाऱ्यांनी अटक केली आहे. हा गेल्या काही दिवसांपासून फसवणूक करत होता. तो पोलिसांचा गणवेश परिधान करुन फिरायचा, त्याने कारागृहातील एका कैदी रक्षकाला देखील आपल्याबाजूने करुन घेतला होता. दोघांनाही अटक करण्यात आली आहे. पकडलेल्या बनावट अधिकारी गगनदीपवर आणखी गुन्हे दाखल असून तो नुकताच तुरुंगातून बाहेर आला होता.

हेही वाचा –हॉस्टेलमधील मुलींच्या बाथरुमध्ये डोकावून पाहणाऱ्याला अटक, IIT Bombay मधील धक्कादायक प्रकार

नगराध्यक्ष, सरपंच निवड थेट जनतेतून करण्याच्या निर्णयावर राज ठाकरेंचा घणाघात

LEAVE A REPLY

Please enter your comment!
Please enter your name here