ind vs aus 1st t20, नारायण राणेंना मोठा धक्का, सेनेचा दसरा मेळावा ते भारताचे कंगारुंना २०९ धावांचे आव्हान… वाचा, मटा ऑनलाइच्या टॉप १० न्यूज – narayan rane to shiv sena dassehra rally maharashtra times online todays top ten news headlines 20 september 2022

0
6


मुंबई: महाराष्ट्र टाइम्स ऑनलाइनच्या ‘मटा ऑनलाइन टॉप १० न्यूज’ बुलेटीनमध्ये (MT Online Top 10 News) दिवसभरात घडलेल्या महत्त्वाच्या घडामोडींचा आढावा घेण्यात आला असून खालील लिंक्सवर क्लिक करा आणि वाचा सविस्तर बातम्या:-

मटा ऑनलाइन टॉप १० न्यूज

१. नारायण राणेंना मोठा धक्का; २ आठवड्यांत बंगल्यातील बेकायदा बांधकाम तोडलं जाणार

नारायण राणे यांच्या बंगल्यातील बांधकाम नियमित करण्यासंदर्भातील याचिका फेटाळत असताना हायकोर्टाने मुबंई महानगरपालिकेलाही महत्त्वपूर्ण आदेश दिले आहेत. पुढील दोन आठवड्यांत अतिरिक्त बेकायदा बांधकाम तोडण्याची कारवाई करून नंतरच्या एक आठवड्यात कृती अहवाल सादर करा, असं हायकोर्टाकडून पालिकेला सांगण्यात आलं आहे.

२. मुख्यमंत्री शिंदेंचा मराठा आरक्षणाबाबात मोठा निर्णय, भाजप मंत्र्याच्या अध्यक्षतेखाली नेमली समिती

या समितीत महसूल मंत्री राधाकृष्ण विखे-पाटील, ग्रामविकास मंत्री गिरीश महाजन, बंदरे मंत्री दादा भुसे, राज्य उत्पादन शुल्क मंत्री शंभुराज देसाई, उद्योग मंत्री उदय सामंत यांचा समावेश आहे.

३. पुण्यात स्पर्धा परीक्षांची तयारी करणाऱ्या विद्यार्थ्याची आत्महत्या, मृतदेहाजवळ सुसाईड नोट

पुण्यात स्पर्धा परीक्षांचा अभ्यास करण्यासाठी आलेल्या विद्यार्थ्याने आत्महत्या केल्याची धक्कादायक घटना समोर आली आहे. विद्यार्थ्याच्या मृतदेहाजवळ सुसाईड नोट सापडली. नैराश्यातून आपण आयुष्याची अखेर करत असल्याचं विद्यार्थ्याने लिहिल्याची माहिती आहे. मूळ जालन्याच्या असलेल्या त्रिगुण कावळेच्या आत्महत्येने सर्वत्र एकच खळबळ उडाली आहे.

४. भारत वि. ऑस्ट्रेलिया टी२०: तुफानी फटकेबाजीसह अर्धशतक, भारताने उभारला धावांचा डोंगर

लोकेश राहुलचे धडाकेबाज अर्धशतक आणि सूर्यकुमार यादवच्या झंझावाती फलंदाजीच्या जोरावर भारताला ऑस्ट्रेलियाविरुद्धच्या पहिल्या सामन्यात ६ बाद २०८ अशी मोठी धावसंख्या उभारता आली. हार्दिकने यावेळी ३० चेंडूंत सात चौकार आणि पाच षटकाराच्या जोरावर नाबाद ७१ धावांची खेळी साकारली.

५. शिवसेनेचं ठरलं! दसरा मेळावा शिवतीर्थावरच; शिंदे गटाला शह देण्यासाठी ठाकरेंचा प्लॅन तयार

शिवसेनेनं दसरा मेळावा हा शिवतीर्थावरच होणार असल्याचा विश्वास व्यक्त केला आहे. जर शिवाजी पार्कमध्ये परवानगी मिळाली नाही तर इतर पर्यायांची चाचपणीही शिवसेनेनं सुरु केली आहे. शिवसेनेनं प्लान बी तयार केला आहे.

६. दसरा-दिवाळीत गृहिणींना मिळणार मोठा दिलासा; खाद्यतेलाचे दर कमी होण्याची शक्यता

स्वदेशी तेलबिया मोठ्या प्रमाणात बाजारात आल्या आहेत. त्यामुळे मागील महिन्यापर्यंत उच्चांकावर गेलेले खाद्यतेलाचे दर येत्या काळात कमी होण्याची आशा निर्माण झाली आहे.

७. पोलिसांना खाकी वर्दीत मिरवणुकांमध्ये नाचण्यास मनाई; वरिष्ठ अधिकाऱ्यांकडून निर्देश

काही दिवसांपूर्वी पुण्यात गणपती विसर्जन मिरवणुकीत खाकी वर्दीतील पोलीस नाचल्यामुळे वादंग निर्माण झाला होता. पोलिसांची ही कृती योग्य होती किंवा नव्हती, यावरुन वादविवाद सुरु आहेत. या पार्श्वभूमीवर पोलीस महासंचालक कार्यालयाकडून महत्त्वाच्या सूचना जारी करण्यात आल्या आहेत.

८. महाराष्ट्रात सुरू होणार मान्सूनचा परतीचा प्रवास, हवामान खात्याकडून ‘या’ जिल्ह्यांना इशारा

भारतात मोसमी पावसाच्या परतीचे वेध लागले आहेत. हवामान खात्याकडून पुढच्या एक-दोन दिवसांत राजस्थानसह उत्तर भारतामध्ये मोसमी पाऊस परतीचा प्रवास सुरू करेल अशी शक्यता वर्तवण्यात आली आहे.

९. जसप्रीत बुमरा संघात असूनही त्याला पहिल्या सामन्यात संधी का दिली नाही?, जाणून घ्या कारण!

ऑस्ट्रेलियाविरुद्धच्या पहिल्या सामन्यात रोहित शर्माने जेव्हा भारतीय संघाची निवड केली, तेव्हा चाहत्यांना एक मोठा धक्का बसला. कारण या मालिकेसाठी जसप्रीत बुमराला संघात स्थान देण्यात आले आहे. पण या पहिल्या सामन्यात मात्र बुमराला खेळण्याची संधी देण्यात आली आहे. बुमराला पहिल्या सामन्यात का खेळवण्यात आले नाही, याते कारणही आता समोर आले आहे.

१०. ना RRR, ना काश्मीर फाईल्स; भारताकडून ऑस्करसाठी यंदा ‘या’ चित्रपटाची निवड

हॉलिवूडचा सर्वोच्च पुरस्कार सोहळा मानला जाणाऱ्या ‘ऑस्कर’साठी भारताकडून यंदा गुजराती चित्रपटाची निवड करण्यात आली आहे. ‘ छेल्लो शो’ (द लास्ट शो) असं या गुजराती चित्रपटाचं नाव आहे.

मटा अ‍ॅप डाउनलोड करा
app.mtmobile.in
मिस्ड् कॉल द्या
1800-103-8973

LEAVE A REPLY

Please enter your comment!
Please enter your name here