inflation growth, जगाला महागाईचे चटके; फेडरल रिझर्व्ह, स्विस बँकेकडूनही व्याजदरात वाढ – inflation hits the world federal reserve, swiss national bank hikes interest rates

0
4


जिनिव्हा/लंडन/टोकियो: जगभरातील अनेक देशांना महागाईची झळ बसू लागली आहे. काही देशांमध्ये मंदीसदृश वातावरणदेखील निर्माण झाले आहे. महागाईच्या झळा दिवसेंदिवस तीव्र होत असल्याने बाजारातील खेळत्या पैशावर नियंत्रण ठेवून महागाई कमी करण्याचा पवित्रा काही देशांनी घेतला आहे.

त्याचाच भाग म्हणून अमेरिकेच्या फेडरल रिझर्व्ह बँकेने भारतीय वेळेनुसार बुधवारी रात्री व्याजदरात पाऊण टक्का वाढ केली. आता हाच कित्ता गिरवत स्विस नॅशनल बँकेनेही व्याजदरात वाढ करायचा निर्णय घेतला आहे. बँक ऑफ इंग्लंडही व्याजदरवाढीचे पाऊल उचलेल, असा अंदाज आहे. अमेरिकी डॉलर सक्षम होत असल्याने जपानचे चलन येन मोठ्या प्रमाणावर घसरले आहे.

डॉलरच्या तुलनेत रुपयाची विक्रमी घसरण, भारतीय चलनातील घसरणीचे काय आहे कारण
स्वित्झर्लंडमध्ये चलनवाढ
ऑगस्च महिन्यात स्वित्झर्लंडमध्ये ३.५ टक्के इतकी चलनवाढ नोंदवली गेली. त्यामुळे अनेक वर्षांपासून उणे व्याजदर राखलेल्या स्विस नॅशनल बँकेला प्रथमच गुरुवारी मोठ्या प्रमाणावर व्याजदरवाढ करावी लागली आहे. स्विस नॅशनल बँकेने महागाईवर नियंत्रण मिळवण्यासाठी उणे ०.२५टक्क्यांवरून व्याजदर ०.५ टक्केकेला आहे. तज्ज्ञांच्या मते, स्वित्झर्लंडसारख्या श्रीमंत देशाला महागाईची मोठ्या प्रमाणावर झळ बसण्याची शक्यता कमी आहे. अलिकडे स्विस फ्रॅन्कची किंमत अचानक वाढल्यामुळे अनेक नागरिकांना शेजारी देशांतून इंधनासह अन्य ग्राहकोपयोगी वस्तूंची खरेदी करावी लागली.

US फेडरल रिझर्व्हचा दे धक्का, व्याजदरात विक्रमी वाढ, भारतासह जगभरातील जनतेला बसणार झळ
येन सावरण्याची धडपड
जपानच्या सेंट्रल बँकेने जपानचे चलन येन सावरण्यासाठी काही पावले उचलली आहेत. बुधवारी जपानी येन एका अमेरिकी डॉलरसमोर मोठ्या प्रमाणावर घसरला. एका अमेरिकी डॉलरसाठी १४६ येन मोजावे लागले. गेल्या २४ वर्षांत येनमध्ये एवढ्या मोठ्या प्रमाणावर प्रथमच घसरण दिसून आली. यापूर्वी २०११मध्ये डॉलरसमोर येन क्षीण झाला असता, बँक ऑफ जपानने हस्तक्षेप केला होता. गुरुवारी बँकेने बेंचमार्क व्याजदर उणे ०.१ टक्का ठेवला.

जग आर्थिक संकटाच्या उंबरठ्यावर; जाणून घ्या आर्थिक मंदी म्हणजे काय, त्याचे निकष काय
बँक ऑफ इंग्लंडकडून दरवाढ
महागाईशी दोन हात करण्यासाठी बँक ऑफ इंग्लंडने व्याजदरात गुरुवारी अर्धा टक्का वाढ करत व्याजदर २.२५ टक्के केला. ही व्याजदरातील गेल्या २७ वर्षांतील सर्वात मोठी वाढ ठरली आहे. राणी एलिझाबेथ द्वितीय यांच्या निधनामुळे देशात दुखवटा असल्याने व्याजदरवाढीचा हा निर्णय एक आठवडा उशिरा घेण्यात आला. या दरवाढीमुळे इंग्लंडमध्ये कर्जे मोठ्या प्रमाणावर महागणार आहेत. देशात इंधन आणि खाद्यपदार्थ यांच्या किंमती बेसुमार वाढल्या आहेत. त्यातच देशाचे चलनही क्षीण होत आहे. याचा परिणाम म्हणून देशात गेल्या ४० वर्षांतील सर्वाधिक चलनवाढ सध्या दिसून येत आहे.

‘फेडरल’ची व्याजदरात वाढ
फेडरल रिझर्व्हकडून बुधवारी व्याजदरात सलग तिसऱ्यांदा ०.७५ टक्क्यांनी वाढ करण्यात आली. या निर्णयामुळे व्याजाचा बेंचमार्क दर या वर्षअखेर ४.४ टक्के आणि २०२३पर्यंत व्याजदर ४.०६ टक्क्यांपर्यंत पोचण्याची शक्यता आहे. नोव्हेंबरमध्ये पुन्हा फेडरलची बैठक होणार असून, त्यातही व्याजदर पुन्हा ०.७५ टक्क्यांनी वाढण्याची शक्यता वर्तवण्यात येत आहे.

LEAVE A REPLY

Please enter your comment!
Please enter your name here