lata sonawane, आधी ठाकरेंना सोडलं, नंतर आमदारकीवर टांगती तलवार; शिंदे गटाच्या सोनवणेंना मतदारांचाही दणका – lata sonawane shinde faction rebel shivsena mla won only three gram panchayat in chopada

0
1


जळगाव : शिवसेनेच्या बाबतीत असं म्हणतात की बंडखोरीनंतर आमदार आणि खासदार तर जातात, पण मतदार त्यांच्यासोबत जात नाहीत. असाच काहीसा प्रत्यय जळगाव जिल्ह्यात आलाय. जळगाव जिल्ह्यातही शिवसेनेत दोन गट पडलेत आणि बंडखोर गटातल्या आमदाराला ग्रामपंचायत निवडणुकीत चांगलाच फटका बसलाय. फक्त बंडखोर गटच नाही, तर भाजपलाही इथे फटका बसलाय. इथे राष्ट्रवादी, ठाकरे गट आणि अपक्षांनी बाजी मारली. उद्धव ठाकरेंना सोडून जाणाऱ्या आमदाराची तर चांगलीच दमछाक झालीय, कारण या आमदारावर आधीच आमदारकी जाण्याची टांगती तलवार आहे, त्यात ग्रामपंचायत निवडणुकीतही मतदारांनी साथ दिली नसल्याचं दिसून आलंय. ग्रामपंचायत निवडणूक फक्त गावपातळीवरची असली तरी यात मतदारांचा थेट सहभाग असतो.. त्यामुळे ठाकरेंना सोडणाऱ्या आमदार लता सोनवणे यांच्या मतदारसंघात काय घडलंय हे पाहणं महत्त्वाचं आहे.

दोन तृतीयांश आमदार सोबत ठेवण्यासाठी एकनाथ शिंदेंसाठी एक एक आमदार महत्वाचा आहे. शिंदे गटात असलेल्या आमदार लता सोनवणे यांचे जात वैधता प्रमाणपत्रबाबत हायकोर्टाने दिलेला निकाल सुप्रीम कोर्टाने कायम ठेवलाय. त्यामुळे आमदारकी जाण्याची टांगती तलवार त्यांच्यावर आहे. आता ग्रामपंचायत निवडणुकीत शिंदे गटाला अनपेक्षित असा निकाल चोपडा मतदारसंघात लागला.लता सोनवणे आमदार असलेल्या या मतदारसंघात शिंदे गटाला १३ पैकी फक्त तीन ग्रामपंचायतीमध्ये सत्ता मिळाली आहे.

शिवसेना-काँग्रेसला आघाडीचा प्रस्ताव, पण… प्रकाश आंबेडकरांनी सांगितलं घोडं कुठे अडलं

जळगाव जिल्ह्यातील चोपडा तालुक्यात सर्वाधिक ११ ग्रामपंचायतीसाठी निवडणूक झाली. हाच भाग आदिवासी बहुल भाग म्हणूनही ओळखला जातो. याच मतदारसंघात शिंदे गटाच्या आमदार लता सोनवणे आहेत. एकीकडे आमदार लता सोनवणे शिंदे गटात सहभागी झाल्यामुळे तर दुसरीकडे त्यांचे जात पडताळणी अवैध बाबत उच्च न्यायालयाचा निकाल सर्वोच्च न्यायालयाने निकाल कायम ठेवला. त्यामुळे लता सोनवणे यांच्या अपात्रतेची टांगती तलवार कायम आहे. यामुळे दोन्ही गोष्टींचा फायदा राष्ट्रवादी काँग्रेसचे माजी आमदार जगदीचंद्र वळवी यांनी मिळालाय. लता सोनवणे यांनी २०१९ ला शिवसेनेकडून निवडणूक लढवत राष्ट्रवादी काँग्रेसचे उमेदवार जगदीश वळवी यांचा पराभव केला होता. ग्रामपंचायत निवडणुकीच्या निमित्ताने राष्ट्रवादीच्या जगदीश वळवी यांनीही कमबॅक केलंय.

नंदुरबार जात पडताळणी समितीने लता सोनवणे यांचे टोकरे कोळी जातीचे प्रमाणपत्र रद्द करण्याचा निर्णय दिला होता. या निर्णया विरोधात सोनवणे यांनी उच्च न्यायालयात आव्हान दिले होते. परंतु, तेथे देखील त्यांची याचिका फेटाळण्यात आली होती. यानंतर त्यांनी पुन्हा खंडपीठात दाद मागितली होती. परंतु, तेथेही त्यांना दिलासा मिळाला नव्हता. यामुळे त्यांनी सुप्रीम कोर्टात धाव घेतली होती. मात्र, आता सुप्रीम कोर्टाने देखील उच्च न्यायालयाचा निकाल कायम ठेवत सोनवणे यांची याचिका फेटाळून लावली.

एकंदरच जळगाव जिल्ह्यातील दोन्ही तालुक्यांमध्ये राष्ट्रवादी, शिवसेना उद्धव ठाकरे गट, शिवसेना शिंदे गट आणि अपक्षांची सरशी झालीये. तर भाजप टेन्शन वाढलंय. शिंदे गट आणि भाजपच्या युतीतही लता सोनवणे यांना आपली ताकद वाढवण्यासाठी आणखी बरीच मेहनत घ्यायला लागणार आहे एवढं मात्र नक्की आहे.

हॉस्टेलमधील मुलींच्या बाथरुमध्ये डोकावून पाहणाऱ्याला अटक, IIT Bombay मधील धक्कादायक प्रकार

जळगाव जिल्ह्यातील दोन तालुक्यामधील १३ ग्रामपंचायतींची निवडणूक होती चोपडा तालुक्यात ११, तर यावल तालुक्यात २ ग्रामपंचायतींसाठी निवडणूक झाली होती. त्याचा निकाल

चोपडा तालुका – ११

राष्ट्रवादी काँग्रेस – ०३
शिवसेना (ठाकरे गट) – ०२
शिवसेना (शिंदे गट) – ०३
अपक्ष – ०३

यावल तालुका – ०२

शिवसेना (ठाकरे गट) – ०१
अपक्ष – ०१

वाहतूक पोलिसांनी पावती फाडली, तरुण संतापला; भररस्त्यात पोलिसांसमोरच बाईक पेटवली

LEAVE A REPLY

Please enter your comment!
Please enter your name here