milind narvekar, Shivsena: उद्धव ठाकरेंचा ‘राईट हँड’ बदलला? रवी म्हात्रे इन मिलिंद नार्वेकर आऊट? – is ravi mhatre is new right hand of shivsena chief uddhav thackeray instead of milind narvekar

0
6


Maharashtra Politics news | गोरेगाव येथे झालेल्या शिवसेना गटप्रमुखांच्या मेळाव्यातही उद्धव ठाकरे यांच्याभोवती हातात फाईल घेतलेले रवी म्हात्रे दिसून आले. त्यांचा शिवसेना भवनातील वावर अगोदरच वाढलेला आहे. त्यामुळे आता मिलिंद नार्वेकर यांची जागा रवी म्हात्रे यांनी घेतल्याचे बोलले जात आहे. उद्धव ठाकरे यांच्यापर्यंत पोहोचण्यासाठी आता रवी म्हात्रे हे महत्त्वाचा दुवा ठरत आहे.

 

Shivsena: उद्धव ठाकरेंचा राईट हँड बदलला? रवी म्हात्रे इन मिलिंद नार्वेकर आऊट?
Shivsena: उद्धव ठाकरेंचा ‘राईट हँड’ बदलला? रवी म्हात्रे इन मिलिंद नार्वेकर आऊट?

हायलाइट्स:

  • मिलिंद नार्वेकर आम्हाला उद्धव ठाकरे यांच्यापर्यंत पोहोचू देत नाहीत
  • शिवसेनेतील बंडखोरांचा मुख्य रोष मिलिंद नार्वेकर यांच्यावर होता
  • मिलिंद नार्वेकर यांची जागा रवी म्हात्रे यांनी घेतल्याची चर्चा
मुंबई: एकनाथ शिंदे यांनी ४० आमदार फोडून शिवसेनेविरुद्ध ऐतिहासिक बंड केल्यानंतर राज्यात सत्तांतर झाले. यानंतर महाराष्ट्रातील राजकीय समीकरणांसोबत शिवसेनेतील अंतर्गत रचनाही बदलल्याची चर्चा रंगू लागली आहे. याचे कारण म्हणजे शिवसेना पक्षप्रमुख उद्धव ठाकरे (Uddhav Thackeray) यांच्याभोवती रवी म्हात्रे यांचा वाढलेला वावर. रवी म्हात्रे हे शिवसेनाप्रमुख बाळासाहेब ठाकरे यांच्या मर्जीतील व्यक्तींपैकी म्हणून एक ओळखले जातात. मध्यंतरीच्या काळापासून रवी म्हात्रे (Ravi Mhatre) हे संघटनेत फारसे सक्रिय नव्हते. मात्र, एकनाथ शिंदे (Eknath Shinde) यांच्या बंडानंतर रवी म्हात्रे यांचा शिवसेना भवनातील वावर लक्षणीयरित्या वाढला होता. शिंदे गटातील आमदारांनी उद्धव ठाकरे यांची साथ सोडताना चौकडीचा उल्लेख केला होता. मिलिंद नार्वेकर (Milind Narvekar) या चौकडीतील प्रमुख सदस्य होते. मिलिंद नार्वेकर आम्हाला उद्धव ठाकरे यांच्यापर्यंत पोहोचू देत नाहीत, असे आरोप आजपर्यंत अनेकांनी केले आहेत. त्यामुळेच की काय शिंदे यांच्या बंडानंतर उद्धव ठाकरे यांच्या वर्तुळात महत्त्वाचे बदल होताना दिसत आहेत. उद्धव ठाकरे यांचे स्वीय सहाय्यक असणारे मिलिंद नार्वेकर यांची जागा आता रवी म्हात्रे यांनी घेतली आहे का, अशी चर्चा रंगू लागली आहे.
अरे हे काय? मुख्यमंत्री शिंदे आता उद्धव ठाकरेंचे संकटमोचक मिलिंद नार्वेकरांच्या भेटीला
गोरेगाव येथे झालेल्या शिवसेना गटप्रमुखांच्या मेळाव्यातही उद्धव ठाकरे यांच्याभोवती हातात फाईल घेतलेले रवी म्हात्रे दिसून आले. त्यांचा शिवसेना भवनातील वावर अगोदरच वाढलेला आहे. त्यामुळे आता मिलिंद नार्वेकर यांची जागा रवी म्हात्रे यांनी घेतल्याचे बोलले जात आहे. उद्धव ठाकरे यांच्यापर्यंत पोहोचण्यासाठी आता रवी म्हात्रे हे महत्त्वाचा दुवा ठरत आहे.
आधी मुख्यमंत्री, आता राहुल शेवाळे; शिंदे गटातील नेत्यांशी मिलिंद नार्वेकरांच्या भेटीगाठी
रवी म्हात्रे हे बाळासाहेब ठाकरे यांच्या काळापासून शिवसेनेत सक्रिय असल्याने शिवसैनिकांशी त्यांचा चांगल्याप्रकारे संपर्क आहे. रवी म्हात्रे बाळासाहेब ठाकरे यांच्या अत्यंत जवळचे होते. त्या काळात बाळासाहेबांकडून येणारे निरोप हे म्हात्रेंकडूनच यायचे. बाळासाहेब ठाकरे यांना फोन केला तर तो आधी रवी म्हात्रे घेत असत. आमदार, खासदार, शाखाप्रमुख आपल्या समस्या बाळासाहेब ठाकरे यांच्यासमोर मांडण्यासाठी रवी म्हात्रे यांच्याशी संपर्क साधायचे. याशिवाय, रवी म्हात्रे हेच बाळासाहेब ठाकरेंच्या सर्व कार्यक्रमांचे नियोजन करत असत. बाळासाहेब ठाकरे यांच्या निधनानंतर रवी म्हात्रे हे उद्धव ठाकरे यांच्यासाठीही काम करत होते. मात्र, शिंदे गटाच्या बंडानंतर आता उद्धव ठाकरे यांचे सहाय्यक म्हणून म्हात्रे प्रामुख्याने दिसत आहेत. त्यामुळे आगामी काळात मिलिंद नार्वेकर यांच्याऐवजी रवी म्हात्रे हेच उद्धव ठाकरे यांचा ‘राईट हँड’ असतील, अशी चर्चा शिवसेनेच्या अंतर्गत वर्तुळात आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here