nandurbar gram panchayat election, ग्रामपंचायत निकाल : शिंदे गट-भाजप उमेदवाराला समान मतं, चिमुकलीने ईश्वरचिठ्ठी काढली, कौल कुणाला? – maharashtra politics news gram panchayat election result 2022 nandurbar shinde camp vs bjp candidate same votes small girl picks ishwar chitthi

0
2


नंदुरबार : नंदुरबार जिल्ह्यातल्या १४९ ग्रामपंचायतींचा निकाल जाहीर झाला असून ग्रामपंचायतींचा निकालाने अनेक प्रस्थापितांना धक्के मिळाले आहे. यावेळी नंदपूर ग्रामपंचायतीत शिंदे गट आणि भाजपच्या उमेदवारांना समसमान मतं मिळाली. त्यामुळे ईश्वरचिठ्ठीने कौल घेण्यात आला. त्यावेळी शिंदे गटाची उमेदवार विजयी झाली.

नंदुरबार तालुक्यातील ७५ आणि शहादा तालुक्यातील ७४ ग्रामपंचायतीचा निकाल जाहीर झाला आहे. शहादा तालुक्यातील ६, तर नंदुरबार तालुक्यातील ६ अशा एकूण १२ ग्रामपंचायती बिनविरोध झाल्या आहेत. नंदुरबार तालुक्यातील नंदपूर ग्रामपंचायतीत शिंदे गटाच्या उमेदवार रोहिणी गुलाबसिंग नाईक आणि भाजपच्या उमेदवार सुनीता योगेश नाईक यांना समसमान मतं पडली. दोघींनाही प्रत्येकी १३४ मतं मिळाली.

यावेळी तहसीलदार भाऊ साहेब थोरात यांनी एका पाच वर्षीय चिमुकलीच्या हातून ईश्वर चिठ्ठी काढण्यास सांगितलंय मिकांक्षा राकेश शिंदे असे या ईश्वर चिठ्ठी काढणाऱ्या चिमुकलीचे नावं आहे. या ईश्वर चिठ्ठीत नंदुरबार तालुक्यातील नंदपूर ग्रामपंचायत उमेदवार रोहिणी गुलाबसिंग नाईक या शिंदे गटाच्या उमेदवार विजयी झाल्या आहेत.

संभाजीराजेंच्या स्वराज्य संघटनेचा पहिल्याच निवडणुकीत विजय, नाशकात महिला सरपंच विराजमान

दुसरीकडे, जळगाव जिल्ह्यात चोपडा तालुक्यात ११, तर यावल तालुक्यात २ अशा एकूण १३ ग्रामपंचायतींची निवडणूक (Gram Panchayat Election Results 2022) झाली. या निवडणुकीत जिल्ह्यात शिंदे गटाचे मंत्री गुलाबराव पाटील (Gulabrao Patil) आणि भाजपचे मंत्री गिरीश महाजन (Girish Mahajan) यांचा फारसा प्रभाव दिसला नाही. एकूण १३ पैकी ४ ठिकाणी अपक्षांनी बाजी मारली. राष्ट्रवादी काँग्रेस ३, शिवसेना उद्धव ठाकरे गट ३, शिवसेना शिंदे गट ३ या प्रमाणे निकालात राजकीय पक्षांनी विजय मिळवला. भाजपला तर एकाही ठिकाणी भोपळा फोडता आला नसल्याचे चित्र या निवडणुकांमध्ये दिसून आले.

हेही वाचा : पुण्यात राष्ट्रवादी पुन्हा! आंबेगावात वळसे पाटलांची हवा, शिवसेना-काँग्रेसचा धुव्वा, शिंदे गटही काठावर

LEAVE A REPLY

Please enter your comment!
Please enter your name here