nava gadi nava rajya, नवा गडी, नवं राज्य : आनंदी रमाला काढते घराबाहेर, काय घडलं असं? – marathi serial nava gadi nava rajya pallavi patil as anandi angry with anita date as rama

0
5


मुंबई :नवा गडी नवं राज्य मालिकेत रमा आणि आनंदी यांची जुगलबंदी चांगलीच रंगलीय. सुरुवातीला रमानं आनंदीला आपण कोलते वहिनी असल्याचं सांगितलं होतं. पण ते पितळ आता उघडं पडलंय. कारण खऱ्या कोलते वहिनी परत आल्या. त्यामुळे आपल्याला कोलते वहिनी म्हणून भेटणारी ही बाई खोटं बोलते, हेच आनंदीनं डोक्यात ठेवलंय.

आताही रमा फक्त आनंदीलाच दिसतेय. त्यामुळे आनंदीला नक्की काय कळत नाहीय. शिवाय तिनं रमाचा फोटोही पाहिला नाहीय. आता एक नवा व्हिडिओ समोर आला आहे. त्यात रमा घरात येऊन आनंदीला म्हणते, राघव चिडला होता नं? त्यावर आनंदी तिला ओरडते, ‘माझ्या नवऱ्याला एकेरी नावानं हाक मारू नकोस. हे, चिंगी आणि रमाताई सुद्धा माझी माणसं आहेत. मी बघून घेईन त्यांचं काय करायचं ते. तू नको सांगूस.’ आणि रमाला घराबाहेर हाकलवून देते.

दीपिकाला पाहून उर्वशी रौतेला झाली खूश, आनंदाच्या भरात काय केलं पाहा

रमाही भडकते. ती म्हणते, इतके दिवस प्रेमानं समजावत होते. आता तुला सोडणार नाही. त्यामुळे आता पुढचे भाग रंजक होतील, असं प्रेक्षकांना वाटतेय. काही जण भूत या संकल्पनेवर टीकाही करत आहेत.

नुकत्याच झालेल्या एका एपिसोडमध्ये आनंदीचा लग्नानंतर पहिला ओवसा असतो, असा प्रसंग दाखवण्यात आलाय. गणपती विशेष भागात आनंदी रमाचा ओवसा भरतेय असाही भाग दाखवण्यात आला होता. त्यानंतर एका भागात आनंदी रामरक्षा म्हटल्यानंतर रमा घाबरते आणि पळून जाते असं दाखवण्यात आलंय. हे पाहून प्रेक्षक आणि नेटकऱ्यांनी मालिकेवर टीका करत ट्रोल केलं आहे.

१७ वर्षात किंचितही बदलला नाही ‘माझी तुझी रेशीमगाठ’चा यश, पाहा हा Photo

हे पाहून प्रेक्षकांनी सोशल मीडियावर वेगवेगळ्या प्रतिक्रिया दिल्या आहेत. ‘रमाचं भूत सुहासिनीचा ओवसा घेतं. त्यानंतर गणपतीच्या दर्शनाला येतं, पण रामरक्षा ऐकल्यावर भूत का घाबरतं? याचं लॉजिक लेखकानं सांगावं, असं नेटकऱ्यांनी म्हटलं आहे. प्रेक्षकांना इतकंही वेड्यात काढू नका, अशा प्रकारच्या प्रतिक्रिया सध्या उमटल्या आहेत.

मालवणी भाषा बोलणाऱ्यांना बाहेर किंमत नाही, असं सांगितलं जायचं | नम्रता पावसकर

LEAVE A REPLY

Please enter your comment!
Please enter your name here