ranbir kapoor, Video : रणबीरला पाहून गर्दी अनावर, मग अभिनेताच पाहा कसा मदतीला सरसावला – bollywood actor ranbir kapoor rushed to help crowd which out of control at brahmastra theatre

0
4


मुंबई : राष्ट्रीय सिनेमा दिवसाच्या निमित्तानं ब्रह्मास्त्र सिनेमाचा दिग्दर्शक अयान मुखर्जी आणि अभिनेता रणबीर कपूर आपल्या चाहत्यांना भेटायला थिएटरमध्ये गेले होते. अभिनेत्याला पाहून प्रेक्षकांना सुखद धक्का बसला. ते इतके आनंदित झाले की काही जण खाली पडलेही. त्यांच्या मदतीला लगेच रणबीर गेला. हा सगळा प्रसंग कॅमेऱ्यात रेकाॅर्ड झाला.

रणबीर कपूर (Ranbir Kapoor) आणि अयान मुखर्जी (Ayan Mukerji) दोघंही राष्ट्रीय सिनेमा दिवसाचं निमित्त साधून मुंबईतल्या एका थिएटरमध्ये पोहोचले. त्यांना पाहायला चाहत्यांनी एकच गर्दी केली. गर्दी नियंत्रणापलिकडे गेली. थोडी धक्काबुक्की झाली. त्यात दोन-तीन जण खाली पडले. तेव्हा ताबडतोब रणबीरनं मागे वळून चाहत्यांना उठायला मदत केली. हा व्हिडिओ सध्या व्हायरल झालाय. लोक अभिनेत्याचं कौतुक करत आहेत.

आम्ही अजूनही आहोत अंड्यातच, असं का म्हणतोय कुशल बद्रिके?

ब्रह्मास्त्र सिनेमाचं तिकीट ७५ रुपयाला
राष्ट्रीय सिनेमा दिवसाला ब्रह्मास्त्र सिनेमाच्या निर्मात्यांनी सिनेमाचं तिकीट ७५ रुपये केलं आहे. २३ सप्टेंबर २०२२ रोजी सर्व थिएटर्समध्ये राष्ट्रीय सिनेमा दिवस साजरा झाला. अनेक ठिकाणी हा सिनेमा ७५ रुपयांना पाहायला मिळाला.

ब्रह्मास्त्र सिनेमाच्या बजेटबद्दल अनेकांनी वेगवेगळे अंदाज लावले आहेत. विविध रिपोर्ट्सनुसार ब्रह्मास्त्र सिनेमासाठी ४०० कोटी रुपये खर्च झाले आहेत. जर आलिया आणि रणबीरनं ब्रह्मास्त्र सिनेमासाठी मानधन घेतलं असतं तर या सिनेमाचं बजेट ६५० कोटी रुपये इतकं प्रचंड झालं असतं, परंतु तसं झालं नाही. ते का झालं नाही याचा खुलासा दिग्दर्शक अयाननं केला.

मला पुढच्या जन्मी लता मंगेशकर नाही व्हायचं, असं का बोललेल्या दीदी

एका सिनेव्यापार विश्लेषकाशी बोलताना अयाननं सिनेमाबद्दलचे त्याचे काही अनुभव सांगितले. तो म्हणाला की, या सिनेमाची निर्मिती करत असताना अनेकांनी अनेक गोष्टींचा त्याग केला आहे. सर्वात मोठा त्याग रणबीर कपूर यानं त्याच्या मानधनाबाबत केला. त्यानं या सिनेमासाठी मानधनच घेतलं नाही. ही गोष्ट माझ्यासाठी खूप महत्त्वाची आहे. त्यानं जो त्याग केला आहे, त्यामुळेच हा सिनेमा होऊ शकला आहे.

राजू श्रीवास्तव गेले ही बातमी अफवा ठरेल असं वाटत होतं | सुनील पाल

LEAVE A REPLY

Please enter your comment!
Please enter your name here