uddhav thackeray, मिंधे गट, गिधाडं, कमळाबाई, २५ वर्ष युतीत सडल्याचा पुनरुच्चार, उद्धव ठाकरेंचा चौफेर हल्लाबोल – uddhav thackeray slam eknath shinde faction and bjp over various issue

0
4


मुंबई : शिवसेना पक्ष प्रमुख उद्धव ठाकरे यांनी मुंबईच्या गट प्रमुखांच्या मेळाव्यात एकनाथ शिंदे यांचा गट आणि भाजपवर जोरदार हल्लाबोल केला. भाषणाच्या सुरुवातीलाच संजय राऊत यांच्या अटकेचा दाखला देत भाजपवर हल्लाबोल केला. मुंबईसाठी शिवसैनिकांचा त्याग, शिंदे गटाचा मिंधे गट असा उल्लेख आणि वेदांता प्रकरणावरुन उद्धव ठाकरेंनी टीका केली. जमलेल्या माझ्या तमाम हिंदू बांधवांनो मातांनो भगिणींनो, आज ही गर्दी असेल तर दसऱ्याला किती पट असेल. आपला दसरा मेळावा शिवाजी पार्कवर होणार आहे. मंचावर मी रिकामी खुर्ची पाहिली, एक खुलासा करुन टाकतो, नाहीतर संजय राऊत तिकडे गेले अशी चौकट येईल. संजय राऊत झुकले नाहीत ते लढाऊ बाण्यानं उभे राहिले, असं उद्धव ठाकरे म्हणाले.

मुलं पळवणारी टोळी ऐकलेय पण बाप पळवणारी औलाद महाराष्ट्रात फिरतेय.आजपर्यंत आपण त्यांना सत्तेचं दूध पाजलं पण आज त्यांची गटारगंगा झालेली आहे. विशेष म्हणजे मुंबईचे लचके तोडणारी गिधाडं फिरायला लागली आहेत. आम्ही छत्रपती शिवाजी महाराजांचा इतिहास वाचत वाचत मोठे झाले आहोत. सत्ता स्थापन करण्याचा प्रयत्न करताना अनेक शहा स्वराज्यावर चालून आले होते. मध्ये येऊन गेले त्या कुळातील आताचे शाह म्हणजे आताचे देशाचे गृहमंत्री ते म्हणाले शिवसेनेला जमीन दाखवा असे म्हणाले. इकडं असलेली गवताची पाती नाहीत तलवारीची पाती आहेत. गिधाडं हा शब्द जाणीवपूर्वक वापरला. मुंबईची निवडणूक आल्यानंतर तुम्ही येता, मुंबईवर संकट आल्यानंतर तुम्ही कुठं असता?, असा सवाल उद्धव ठाकरे यांनी केला.

मुंबादेवी, ती आमची आई आहे. आईला गिळणारी औलाद सुद्धा आहे. या शिवसेनेनं तुम्हाला मोठं केलं. तुम्हाला पद दिली. येताना रस्त्यावर पाहत होतो सुरत २३२ कि.मी. किती लांब जावं लागलं ढोकळा खायला, अशा शब्दात उद्धव ठाकरेंनी एकनाथ शिंदे आणि समर्थक आमदारांवर हल्लाबोल केला.

भारतीय संघाला धक्का बसल्यावरही सूर्यकुमार यादवसाठी आली गूड न्यूज, पाहा नेमकं घडलं काय…

आज मी मुंबईवर बोलणार आहे. मुळात तुमच्यावर बोलताना कमळाबाईचा आणि मुंबईचा संबंध काय? कमळाबाई हा शब्द बाळासाहेबांचा आहे. ही तिच शिवसेना आहे, हे पाहिल्यानंतर पुन्हा मुंबईवर दावा करु नका. वंशवादावरुन आमच्या घराण्यावर टीका होते. या मुंबईवर वाकडी नजर पडली आहे त्यावेळच्या संयुक्त महाराष्ट्राच्या लढाईत जनसंघ नव्हता. संयुक्त महाराष्ट्र समिती स्थापन झाली होती त्याच्या पहिल्या पाच अग्रणी होते त्यात माझे आजोबा होते. मेलो तरी बेहत्तर मुंबई महाराष्ट्राला मिळाली पाहिजे अशी स्थिती असताना निवडणुकीच्या वेळी जागा वाटपाचं नाटक करुन जनसंघ समिती फोडून बाहेर पडला. जनसंघ त्यातून बाहेर पडला. पण आपण दुर्देवानं त्यांच्याबरोबर युती केली. मी पुन्हा बोलतो, आपली २५ वर्ष युतीत सडली, असं पुन्हा एकदा उद्धव ठाकरेंनी म्हटलं.

मित्र वणव्यामध्ये गारव्यासारखा, संजय राऊत तुरुंगात, पण उद्धव ठाकरेंच्या सभेत खुर्ची मात्र राखीव!

आपला महापौर आणि त्यांना उपमहापौर पद त्यांना दिलं. एवढे बाहेरचे उपरे नेते आणले आहेत. बावनकुळे किंवा एकशे बावनकुळे बाष्कळ बडबड कशाला करता, असा सवाल उद्धव ठाकरेंनी केला. धारावीत आम्ही आर्थिक केंद्र उभारणारचं आहोत, असं उद्धव ठाकरे म्हणाले. वेदांता प्रकल्प गेलाच ना? आमच्या मुळं किंवा तुमच्या मुळं गेला असं करतात. वेदांता प्रकल्प माघारी आणण्यासाठी आम्ही तुमच्यासोबत आहोत. महाराष्ट्रातून वेदांता प्रकल्प गुजरातला गेला कसा असा सवाल नरेंद्र मोदींना विचारा, असं उद्धव ठाकरे म्हणाले. मुंबईकर शिवसेनेवर विश्वास का टाकतात हे जाणून घ्या. शिवसेना म्हटल्यावर विकास आहे. नैसर्गिक आपत्ती असल्यावर किंवा कसाबचा हल्ला असो, २५ आणि २६ जुलैचा महापूर असो, त्याच्यानंतर दोन दिवस सर्व शिवसैनिक रस्त्यावर उतरले होते. त्यावेळी शिवसैनिकांमुळं मुंबईवरुन संकट टळलं,असं उद्धव ठाकरे म्हणाले.

वेदातांवरुन उद्धव ठाकरेंचा हल्लाबोल, लाज वाटली पाहिजे, कोणाची बाजू घेऊन भांडताय?

LEAVE A REPLY

Please enter your comment!
Please enter your name here